विपद्पछि उद्धार र राहत वितरणमा खटिएका सशस्त्र प्रहरी निरीक्षक दिलबहादुर बडुवालको निधन भएको छ। एपिएफ अस्पताल बलम्बुमा आज बिहान उनको निधन भएको हो।
विपद् व्यवस्थापनका लागि सशस्त्र प्रहरी बलले गत असार २ गते काभ्रेको पनौती नगरपालिका- ५ आइटी पार्कमा मनसुनजन्य विपद् व्यवस्थापन बेस स्थापना गरेको थियो। साउन ३ देखि उनी सोही बेसको कमान्डर थिए।
पछिल्लोपटक असोज ११ देखिको झरीले काभ्रेको विभिन्न ठाउँमा भएको धनजनको क्षतिमा उद्धारका लागि उनको कमान्डमा टीम खटिएको थियो।
विपदको उद्धार र राहतमा खटिएका बढुवाललाई असोज २६ गतेदेखि स्वास्थ्यमा समस्या आएपछि उपचारका लागि जिल्लास्थित धुलिखेल अस्पताल पठाइएको थियो।
त्यहाँ उपचार सम्भव नभएपछि बडुवाललाई काठमाडौंस्थित सशस्त्र प्रहरी अस्पताल बलम्बुमा ल्याइएकाे थियाे।