चैत १५ गते शुक्रबार राजावादीहरूले जडीबुटी उत्पादन तथा प्रशोधन कम्पनी लिमिटेडमा गरेको तोडफोडमा २८ करोड बराबरको क्षति भएको प्रारम्भिक अनुमान गरिएको छ।
कम्पनी महाप्रबन्ध संगीता यादवका अनुसार प्रारम्भिक विश्लेषणअनुसार आन्दोलनकारीहरूले गरेको आगजानीबाट २८ करोड बराबरको क्षति भएको विवरण छ।
गुड म्यानुफ्याक्चरिङ प्राक्टिस (जीएमपी) भवनलगायत स्वचालित उपकरण जलेर ध्वस्त भएपनि उत्पादन नरोकिने उनको भनाइ छ।
कम्पनी पुरानै अवस्थामा फर्किने आशा रहेको बताउँदै उनले बिएल नेपाली सेवालाई भनिन्, ‘वन मन्त्रालयबाट सकारात्मक कुराहरू आइरहेको छ। हामी उठिरहेका छौं। कम्पनीबाट हुने उत्पादन रोकिदैंन।’
वार्षिक ७० लाख सन्चो उत्पादन गर्दैआइरहेको कम्पनीले सयौंको संख्यामा रोजगारी दिदैंआइरहेको छ।
