चीनमा जारी १९औँ एसियाली खेलकुद (एसियाड)अन्तर्गत आज (आइतबार) नेपाली पुरुष क्रिकेट टाेलीले आफ्नाे दाेस्राे खेलमा माल्दिभ्ससँग प्रतिस्पर्धा गर्दैछ। नेपाल र माल्दिभ्सबीचकाे खेल नेपाली समयअनुसार बिहान ६ ः ४५ बाट सुरु हुनेछ।
पहिलाे खेलमा मंगाेलियाविरुद्ध चामत्कारिक प्रदर्शन गरेकाे नेपाल दाेस्राे जितकाे खाेजीमा छ। माल्दिभ्सलाई हराए नेपाल समूह ए काे शीर्षस्थानमा रहँदै क्वाटरफाइनलमा पुग्नेछ।
क्वाटरफाइनलमा नेपालले भारत, बंगलादेश, पाकिस्तान, श्रीलंका र अफगानिस्तानमध्ये एउटा टोलीसँग खेल्नेछ।
नेपालले पहिलाे खेलमा मंगाेलिलाई २ सय ७३ रनले पराजित गरेकाे थियाे।
.jpg)
