रंगेली बसपार्कमा दुर्घटनामा परेका ७२ वर्षीय अर्जुनदेव भट्टराईको मृत्यु भएको छ। रंगेली- ३ घर भएका भट्टराई मंगलबार बेलुका दुर्घटनामा परेका हुन्।
बिराटनगरको मेरिल्याण्ड कलेजको को१क १५२९ नं. को बसले साइकलमा सवार भट्टराईलाई ठक्कर दिएको थियो। दुर्घटना परि बिराटनगरको गोल्डेन अस्पतालमा उपचार गराइरहेका भट्टराईको गएराति ४ बजे निधन भएको हो।
बसका चालक रतुवामाई- ५ सिजुवा बस्ने ४५ वर्षीय सुर्यबहादुर ताजपुरियालाई प्रहरीले नियन्त्रणमा लिएर राखेको छ।
