इजरायल र हमासबीचको युद्धमा गाजा क्षेत्रमा फसेका विद्यार्थीहरुका आफन्त सरकार गुहार्दै सिंहदरबार आएका छन। सोमबार बिहान सिंहदरबार आएका उनीहरुले परराष्ट्रमन्त्री एनपी साउदलाई भेटेर आफन्तको उद्दार गरिदिन आग्रह गरेका छन्।
दार्चुलाका लोकेन्द्र विष्टकी अन्टी पर्ने चन्द्रा कार्कीले परराष्ट्रमन्त्री साउदलाई भेटेर उद्दारको लागि आग्रह गरेको बताइन्।
उनका अनुसार लोकेन्द्र विष्ट, रमेश कार्कीलगायत ९ जना विद्यार्थी युद्ध भइरहेको गाजा क्षेत्रबाट करिब २५ किलोमिटर नजिकको क्याम्पमा फसेका छन्। उनीहरु रहेको क्षेत्रमा सुरक्षित रुपमा बस्नको लागि कुनै पनि बंकरसमेत छैन।
उनले सरकारसमक्ष युद्धमा फसेका छोराहरुलाई उद्दार गरेर नेपाल ल्याइदिन आग्रह गरेकी छन्।
भिडियाे :
