आज (साेमबार)देखि दसैँकाे लागि अग्रिम टिकट बुकिङ सुरु भएकाे छ।

गत शुक्रबार बसेकाे भौतिक पूर्वाधार तथा यातायात, यातायात व्यवस्था विभाग र यातायात व्यवसायीबीच बैठकले आजदेखि अग्रिम टिकट बुकिङ खुल्ला गर्ने निर्णय गरेकाे थियाे।

अघिल्ला वर्षहरुमा दसैँ आउनु एक महिना अगाडिदेखि नै टिकट बुकिङ खुल्ला गरिँदै आइएकाे भए पनि यातायात व्यवसायी र सरकारबीचकाे विवादकाे कारण यस वर्ष ढिला गरी बुकिङ खुल्ला गरिएकाे छ। यद्यपि, टिकट बुकिङमा उचित व्यवस्थापन मिलाइएकाे नेपाल राष्ट्रिय यातायात व्यवसायी महासंघका अध्यक्ष विजय बहादुर स्वाँरले जानकारी दिए।

विशेषगरी दसैँकाे समयमा काठमाडाैँबाट ठुलाे संख्यामा मानिसहरु गाउँ फर्किने गर्छन्। त्यसकाे लागि सरकारले अग्रिम टिकट बुकिङकाे खुल्ला गर्ने गर्छ।

काठमाडाैँकाे नयाँ बसपार्कबाट ६५ जिल्लाकाे टिकट लिने व्यवस्था मिलाइएकाे छ।