आजदेखि सरकारी कार्यालयहरु खुला रहने भएका छन्।

साेमबारसम्म तिहार बिदा रहेकाेमा आज (मंगलबार)बाट सरकारी कार्यालयहरु खुल्न लागेका हुन्।

आइतबार नै तिहार (यमपञ्चक) समापन भएपनि साेमबार पनि सरकारी कार्यालय खुलेका थिएनन्।

अघिल्लो वर्ष माघ २९ गते प्रकाशित राजपत्रमा कात्तिक १५ देखि १९ गतेसम्म अर्थात् तिहार बिदा उल्लेख छ।

१५ गते लक्ष्मीपूजा, १७ गते गोवर्धनपूजा र नेपाल संवत् (म्हपूजा) तथा १८ गते भाइटीका (किजापूजा) को बिदा छ, तर १६ र १९ गतेको बिदाको विवरण भने दिइएको छैन।

२०७७ सालको तिहारमा तिथिको घटबढका कारण भाइटीका कहिले लगाउने भन्ने विवाद भएको थियो। पञ्चांग निर्णायक समितिले निकालेको पात्रोमा मंसिर १ गते भाइटीका उल्लेख थियो। नेवार समुदायले मंसिर २ गते किजापूजा गरेको थियो।

त्यसैले सरकारले तिहारको बिदा एक दिन थप गरेको थियो।