धनगढी उपमहानगरपालिका–१२, मनेहराकी सरस्वती चौधरीको घरको नल्का (पानी तान्ने कल) मा यस वर्ष चैतदेखि जेठसम्म तीन महिना पानी आएन। आफ्नो नल्कामा पानी नआएपछि छिमेकमा गएर पानी ल्याउनु प¥यो। छिमेकीको नल्का उनको भन्दा गहिरो गाडिएको छ।
‘पहिले बाह्रै मास पानी आउँथ्यो। चार–पाँच वर्ष भयो, चैतदेखि जेठसम्म पानी आउँदैन। वर्षा सुरु भएपछि आउँछ,’उनले भनिन्।
उनको घरको नल्काको पाइप १४५ फिट गाडिएको छ तैपनि सुख्खा मौसममा पानी आउँदैन। छिमेकमा जानु परेपछि पानी बोकेर ल्याउनुपर्ने भयो। यसले गर्दा काम बढ्यो। उनकै एक छिमेकी खुसीराम चौधरीको नल्कामा पनि त्यस्तै समस्या देखिन थालेको छ। पानी आउँदै छ तर घट्न थालेको छ। आसपासमा सबैजसो नल्कामा पानी सुक्ने समस्या छ।
