जुम्लाको कनकासुन्दरी–४ स्थित छलपुनेरामा जिप दुर्घटना हुँदा दुईजनाको घटनास्थलमै मृत्यु भएकाे छ।
जुम्लाबाट मुगुतर्फ जाँदै गरेको भे १ ज १०९९ नम्बरको जिप छुलपुनेरामा दुर्घटना भएको अधिकारीहरूले जनाएका छन्।
चालक र सहचालकको घटनास्थलमै मृत्यु भएकाे जिल्ला प्रहरी कार्यालय जुम्लाका सूचना अधिकारी यामवहादुर बुढामगरले बताएका छन्।
उनका अनुसार चालक र सहचालकको सनाखत हुन सकेकाे छैन। जिप सडकबाट अन्दाजि ३ सय मिटर तल खसेको छ।
आइतबार विहान ६ः४५ बजेको समयमा जिप दुर्घटना भएको उनकाे भनाइ छ। उनले भने, 'दर्घटनाको विषयमा थप अनुसन्धान भई रहेको छ।'
