चित्रकार केदार दाहाल केही वर्षअघि एउटा कार्यक्रममा थिए। त्यहाँ उनी कलिला बालबालिकाको मुहारमा विभिन्न चित्र (फेस पेन्टिङ) बनाउन मग्न थिए। उनी त्यसमा यतिविघ्न मग्न भएछन्, दायाँबायाँ को आए भन्ने पनि ध्यान दिएका थिएनन्।
उनी त्यही काममा व्यस्त भइरहेका थिए, नजिकै एक शालिन महिला उनको काम हेरिरेहकी थिइन्। ‘सिम्पल सारी’ मा सजिएकी ती महिलातिर केदारको ध्यान गएको थिएन। उनी बच्चाहरूको मुहारमा फूल, पुतली, नेपालको झण्डालगायत चित्र कोरिरहेका थिए।
