एसियन क्रिकेट काउन्सिल (एसीसी) प्रिमियर कपअन्तर्गत आज (बिहीबार) नेपालले समूह चरणको अन्तिम खेल कतारसँग खेल्दैछ।
कीर्तिपुरस्थित त्रिवि क्रिकेट मैदानमा बिहान ९ बजेबाट हुने खेलमा नेपाल विजय भए समूह विजेता बन्ने छ। नेपाल याे खेल अगावै सेमिफाइनलमा पुगिसकेकाे छ।
नेपालले एक खेल अगावै सेमिफाइनलमा पुग्न पहिलाे खेलमा मलेसिया र दाेस्राे खेलमा ओमनलाई पराजित गरेकाे थियाे भने साउदी अरबियासँग अंक बाँडेकाे थियाे।
दुई खेलमा जित र एक खेलमा अंक बाँडेकाे नेपाल ५ अंकसहित समूहकाे दाेस्राे स्थानमा छ। ओमन ६ अंकसहित पहिलाे स्थानमा छ। नेपालले आजकाे खेल जितेमा ७ अंक हुनेछ भने वर्षाकाे कारण खेल रद्द भए पनि ६ अंक हुनेछ। ६ अंक भए पनि नेपाल समूह विजेता बन्नेछ, नेपालकाे रनरेट ओमनकाे भन्दा बढी छ।
प्रतियोगिता पहिलो सेमिफाइनल खेलमा समूह ए को विजेताले समूह बि को उपविजेतासँग खेल्नेछ। दोस्रो सेमिफाइनल खेलमा समूह बि को विजेताले समूह ए को उपविजेतासँग खेल्नेछ। सेमिफाइनल शनिबार हुनेछ। फाइनल सोमबार हुनेछ।
प्रतियोगिता विजेता टोलीले एसिया कपमा भारत र पाकिस्तासँग खेल्न पाउनेछ।
त्यस्तै शीर्ष तीनमा रहने टोली एसीसी इमर्जिङ कपको लागि छनोट हुने छन्।
