परदेशिने बाध्यता भनौँ या रहर, दुई छाक खान नपुगेको पनि हैन। मनमा उत्पन्न हुने हजारौँ चाहना अनि सपनाले आज लखेटिएको शरणार्थी जस्तै सुखका दिनको खोजीमा भौतारिँदै विदेशी भूमिमा दिनहरू बिताइरहेको छु।
मध्यम वर्गीय परिवारमा जन्म लिनु पनि एक अभिशाप जस्तै लाग्छ कहिलेकाहीँ मलाई त। कुवाको भ्यागुतो सधैं कुवाभित्रै, जति उफ्रिए पनि आखिर उसको संसार त्यही कुवा नै हो। न त देशमा बसेर नै आफ्नो स्तर उकास्न सकिन्छ।
