त्रिभुवन अन्तर्राष्ट्रिय विमानस्थलबाट ५ केजी लागुऔषधसहित २ जना विदेशी महिला पक्राउ परेका छन्।

लागुऔषध नियन्त्रण ब्युरोको टोलीले उनीहरुलाई बिहीबार पक्राउ गरी शुक्रबार पत्रकार सम्मेलन गरेर सार्वजनिक गरेकाे हाे।

पक्राउ पर्नेमा युक्रेनकी डारिया एन्टओनीको र थाइल्याण्डकी अरीया फोनोक रहेका छन्।

ब्राजिलको रियो डि जानेरिओबाट दुबई हुँदै काठमाडौँ आएकी ३२ वर्षीय एन्टओनीलाई प्रहरीले ठमेलबाट पक्राउ गरेको हो।

उनकाे साथबाट प्रहरीले २ वटा सुटकेसभित्र फल्स बटम बनाएर लुकाएको ५ केजी ६०० ग्राम काेकिन, ३०० अमेरिकी डलर, ४८० थाई भाट, ५ हजार रुपैयाँ नेपाली पैसा र युक्रेनी पासपोर्ट बरामद गरेको छ।

त्यस्तै, लागुऔषधसहितकाे सुटकेस लिन बैंककबाट मलेसिया हुँदै काठमाडौँ आएकी थाइ नागरिक फोनोकलाई बिहीबार ठमेलस्थित एक हाेटलबाट नियन्त्रणमा लिइएकाे हाे। उनी सुटकेस र थाई नागरिकतासहित पक्राउ परेकी हुन्।

उनीहरुलाई लागुऔषध ब्यूरोको हिरासतमा राखेर अनुसन्धान भइरहेकाे प्रहरीले जनाएकाे छ।