पेनाल्टी सुटआउटमा स्पेनलाई पराजित गर्दै मोरक्को पहिलो पटक विश्वकपको क्वार्टरफाइनलमा पुगेको छ।
स्पेनलाई टाइब्रेकरमा ३–० ले स्तब्ध पार्दै मोरक्को विश्वकपको इतिहासमा पहिलोपटक क्वाटरफाइनलमा पुग्न सफल भएको हो।
निर्धारित ९० मिनेट र अतिरिक्त ३० मिनेटको खेलमा समेत दुवै तर्फबाट गोल हुन नसकेपछि टाइब्रेकरमा मोरक्कोले स्पेनलाई पराजित गर्यो।
टाइब्रेकरमा मोरक्कोका अब्देलहामिद साविरी, हाकिम जियाच र अकरफ हाकिमीले गोल गरे। बदर बनोउनेले गोल गर्न सकेनन्।
स्पेनका कुनै पनि खेलाडीले टाइब्रेकरमा गोल गर्न सकेनन्। पाब्लो सारावियाको सुरुवाती प्रहार पोस्टमा लाग्यो। कार्लाेस सोलेर र सर्जियो बुस्केट्सको पेनाल्टीलाई यासिन बोनोले बचाउँदै टोलीलाई अन्तिम आठको यात्रा तय गराए।
