अवैध संरचनाहरु हटाउँदै हिँडेका काठमाडौं महानगरपालिकाका मेयर बालेन शाहलाई अल्फाबिटाका घरधनीले झपारेका छन्।
बिहीबार अवैध संरचनाहरुकाे अनुगमन गर्न मेयर बालेन नयाँ बानेश्वरस्थित बिजुलीबजारमा रहेको ‘अल्फा हाउस’ मा पुगेका थिए। पार्किङका लागि छुट्याइएको बेसमेन्टमा व्यवसायिक प्रयोजनका लागि भाडामा लगाइएको भन्दै बालेन आक्रोशित भए।
साेही क्रममा अल्फाबिटाका घरधनी द्विराज शर्मा र बालेनबीच चर्काचर्की भएको हाे। घरधनी शर्माले प्रश्न गरे, ‘तपाईं डन हो? तपाईंले मलाई थर्काउन खोज्नुभएको हो?’
