नेकपा एकिकृत समाजवादीका नेता झलनाथ खानलले बामपन्थी एकता तत्काल सम्भव नभएको बताएका छन्। 

सोमबार पाल्पामा आयोजित एक कार्यक्रममा बोल्दै उनले बामपन्थी एकता आवश्यक भएपनि तत्काल सम्भव नभएको बताएका हुन्। 

पूर्वप्रधानमन्त्री समेत रहेका उनले संविधानको रक्षा गर्नका लागि पाँच दलीय गठबन्धनले निरन्तरता पाउने जिकिर गरेका थिए। 

मंसिर ४ को निर्वाचन अगाडि  माओवादीसँग पाटी एकता हुने चर्चा चलेको बताउँदै उनले भने, मिल्ने कुरा तत्काल सम्भव छैन। 

माओवादी केन्द्रसँग निकटता रहेको उल्लेख गर्दै उनले वैचारिक, राजनीतिक, सैद्धान्तिक र संगठनिक कार्यदिशा एउटै नभई तत्काल बाम एकता हुन नसक्ने बताए।

नेकपा एसमा प्रवेश गरेका नेता तथा कार्यक्रतालाई स्वागत गर्न उनी पाल्पा पुगेबम थिए। उक्त कार्यक्रममा तानसेन नगरपालिकाका निर्वतमान मेयर उपमेयर सहित पूर्व जनप्रतिनिधिहरु पार्टीमा प्रवेश गरेका थिए।