एक वर्षभन्दा लामो समयदेखि ओरालो लाग्न थालेको अर्थतन्त्रमा चालू आवको जेठदेखि भने सुधारको संकेत देखिएको छ ।
आयातमुखी अर्थतन्त्रको मुख्य खम्बा विदेशी मुद्रा सञ्चिति बढ्नु, देशबाट बाहिरिने र भित्रिने रकमबीचको अन्तर (शोधनान्तर स्थिति)मा सुधार आउनु, आयात घट्नु र बैंकिङ प्रणालीमा तरलता बढ्नु सकारात्मक संकेत हुन् ।
बैंकिङ प्रणालीमा चालू आवको शुरूदेखि नै घट्दै गएको तरलतामा जेठपछि सुधारिएको देखिएको छ । २७ असारको तथ्यांकअनुसार बैंकिङ प्रणालीमा लगानीयोग्य रकम (अधिक तरलता) ३१ अर्ब रुपैयाँ छ ।
यस्तो रकम २२ असारमा जम्मा ६ अर्ब रुपैयाँ मात्रै थियो । त्यसपछिको एक सातामा अधिक तरलता ३६ अर्ब रुपैयाँसम्म पुगेको राष्ट्र बैंकका सह–प्रवक्ता नारायणप्रसाद पोखरेलले जानकारी दिए ।
-1712827122.jpeg)
