पोखराका नवनिर्वाचित मेयर धनराज आचार्यले दलभन्दा माथि उठेर पोखरा बनाउन लाग्ने बताएका छन्।
बुधबार राति १ बजे अन्तिम मतपरिणाम सार्वजनिक भएपछि मेयर पदमा चुनिएका आचार्यले भिडियो सन्देशमार्फत यस्तो बताएका हुन्।
‘म पाँच दलीय गठबन्धनबाट उम्मेदवार बनेर निर्वाचित भएको छु। दलभन्दा माथि उठेर पोखरा बनाउन लाग्छौं’ , उनले भने।
उनले पोखरेली मतदाताको मत र सद्भावले जितेको बताउँदै उनले सफा सुन्दर र आधुनिक सहर बनाउन पोखरेलीकै साथ चाहिने जिकिर गरेका छन्।
पोखरा बनाउनका लागि ३३ वटै वडा प्रशासकीय सबै टिम मिलेर एकसाथ अघि बढ्ने उनले बताए।
.JPG)
