चितवनको भरतपुर महानगरपालिकाको जारी मतगणनामा पाँच दलीय गठबन्धनका उम्मेदवारको अग्रता कायमै छ।
हालसम्मको मतपरिणामअनुसार माओवादी केन्द्रकी रेनु दाहालले १०९ मतान्तरले अग्रता कायम गरेकी छन्।
गठबन्धनबाट उम्मेदवार बनेकी दाहालले ६ हजार २४९ मतका साथ अग्रता लिएकी हुन्।
नेकपा एमालेका उम्मेदवार विजय सुवेदीले ६ हजार १४० मतका साथ उनलाई पच्छ्याइरहेका छन्। त्यस्तै स्वतन्त्र उम्मेदवार जगन्नाथ पौडेलले ३ हजार ३८ मत प्राप्त गरेका छन्।
यसैगरी उपप्रमुखमा नेपाली कांग्रेसका चित्रसेन अधिकारीले ७ हजार ५२४ र राप्रपाका हिमला गुरुङले ५ हजार ३२ मत प्राप्त गरेका छन्।
भरतपुर महानगरपालिकामा एक लाख २७ हजार ८३९ मत खसेको छ।
.JPG)
