वैशाख महिनामा पनि दसैं-तिहारमा जस्तै सहरी क्षेत्रबाट गाउँ घरतिर फर्किनेहरूको भिड र कुनै चाडपर्व र उत्सवभन्दा कमको छैन।
दसैं तिहार जस्ता रकमइला चाडपर्वहरूमा जस्तै वेशाख महिनाको चुनावी वातावरण भएर होला आ-आफ्नो स्थानीय तहतिर जानेहरूको लहर निकै देखिन्छ।
फरक यति छ कि दसैंको बेला जति महंगो पैसा तिरे पनि टिकट पाउन धौधौ हुने तर यो वैशाख महिनामा सजिलै पैसा नतिरेरै पनि घर जान र आउन सहज वातावरण मिलाइ दिने माननीयज्यूहरूलाई सलाम छ!
दसैं तिहारको समयमा पटक-पटक फोन गरेर माननीय ज्यूहरूलाई घर आउन एउटा सिटमात्र मिलाइ दिए हुन्थ्यो भन्ने आशा गर्दा दुई शब्द बोल्न नरूचाउने, सिट उपलब्ध गराउन नसक्ने र सर्वसाधारण जनताहरूलाई घरसम्म आइपुग्न सवारी साधन उपलब्ध गराउन नसक्ने माननीयज्यूहरूले काम गर्न खोजे भने अथवा चाहे भने त सबै सम्भव हुने रहेछ भन्ने कुराको पुष्टि यो चुनावको समयले प्रष्ट रूपमा झल्काइदिएको छ।
