उसले पटक-पटक कोसिस गरिरह्यो त्यो काठको फ्ल्याकले टम्म मिलाएर ठडिएको घरको पछाडिपट्टिको केही अग्लो बेरा पार गरी घरभित्र आउन।
उसले हातमाथि उठाउँदा बल्लतल्ल बेराको टुप्पो भेट्दथ्यो। अनि पूरा शरीरलाई माथि उचालेर बेराको टुप्पामा शरीर झण्डै झण्डै बिसाएर पुर्लुक्क पार गरेर घरभित्र पस्ने कोसिस गर्थ्यो। तर ऊ सफल हुँदैनथ्यो र उसको शरीरलाई लाचार भई बाहिरै तल झार्न बाध्य हुन्थ्यो।
उसले बेरा पार गरेर घरभित्रको ब्याकयार्डमा पस्ने असफल प्रयास निकै पटक गरी नै रह्यो।
मैले के भएको? के भएको? भनेर मेलोमेसो पाउन सकिरहेको थिइनँ। त्यसपछि म झल्यास्स बिउँझिएँ। यो त सपना पो रहेछ!
मैले छक्क परेर कोठाको चारैतिर नजर दौडाएँ। झ्यालको पर्दा पन्छाएर घर पछाडिको काठको बेरा हेरेँ। त्यहाँ कोही थिएन। घडी हेरेँ छ बजिसकेछ।
