'आज हाम्रो अर्थमन्त्रीज्यू र म्याडम हुनुहुन्छ स्काइ क्याफेमा। नेपालको फस्ट स्काइ क्याफेमा। कस्तो भइरहेको छ सर म्याडम हजुर?'
'द क्लिफ' लेखिएको हरियो रंगको हेल्मेट लगाइरहेका अर्थमन्त्री जनार्दन शर्मालाई सोधिएको प्रश्न। ठीक अगाडि मुस्कुराइरहेकी छिन् उनकी पत्नी लक्ष्मी।
'एकदम राम्रो है,' स्काइ क्याफेमा ब्रेकफास्ट लिइरहेका शर्माले जवाफ दिए।
'थ्याङ्क्यु सो मच फर कमिङ,' द क्लिफका राजु कार्कीले आभार प्रकट गरे। प्लेटमा चम्चाकाँटाको आवाज पनि सुनियो।
'तपाईँहरुको क्रिएटिभ आइडिया धेरै राम्रो। यस्तै पर्यटन क्षेत्रको विकास, नेपालीहरुको इन्जोयका लागि, विदेश पर्यटक आकर्षण गर्नका लागि धेरै महत्वपूर्ण हुने, यसले हाम्रो रोजगारी सृष्टि गर्ने, आर्थिक विकास गर्ने कुराहरु रहेको पाएँ। धन्यवाद।'
शर्माले भने।
