नेकपा एमाले सल्यानका पूर्वअध्यक्ष लोकबहादुर डाँगीले ३१ वर्षपछि नेकपा (एमाले) परित्याग गरेका छन्।
सदरमुकाम खलंगास्थित नेकपा (एकीकृत समाजवादी)काे नगरपालिकास्तरीय अगुवा कार्यकर्ता प्रशिक्षण तथा पार्टी प्रवेश कार्यक्रममा एमाले नेता डाँगीसहित एक सयभन्दा बढी कार्यकताले समाजवादीमा प्रवेश गरेका छन्।
उनी गत ०७४ सालकाे स्थानीय तह निर्वाचनमा एमालेबाट बागचौर नगरपालिकाकाे मेयरका उम्मेदवार समेत हुन्। पार्टी प्रवेश गर्नेमा जिल्ला सदस्यहरू खुमराज ओली, खेम कुमारी डाँगी, नन्दलाल अधिकारी, भुपाल डाँगीलगायत रहेका छन्।
