वैदेशिक रोजगारीमा गएका नेपाली कामदारको कानुनी प्रतिरक्षासम्बन्धी निर्देशिकामा श्रम स्वीकृति लिएर गएका श्रमिक जेल परे राज्यले कानुनी लडाइँ लड्नुपर्ने व्यवस्था छ, तर अनाहकमा जेल परेका श्रमिक कानुनी ज्ञानको अभावमा मृत्युदण्डसम्मको सजाय भोग्न बाध्य छन्, उद्धारका लागि राज्यको तर्फबाट उचित पहल भएको छैन

• हत्या आरोपमा साउदी अरबमा जेल परेका पाँच नेपाली कामदार तीन वर्षपछि निर्दोष ठहर, तर अदालतको फैसलापछि पनि जेलमै 
• म्याग्दीका राजकुमार निउरेले घाइते साथीलाई अस्पताल पुर्‍याए, तर मृत्युपछि फिंगर प्रिन्टकै आधारमा हत्या आरोपमा जेल परे 
•  रोजगारदाताको लापरबाहीले दुर्घटना मुद्दामा जेल परे ताप्लेजुङका प्रशान्त लिम्बू, परिवारले बुझाउनुपर्‍यो ३८ लाख ४० हजार ब्लडमनी

रोजगारीका लागि खाडी र मलेसिया पुग्ने नेपाली श्रमिक अनाहकमै जेल पर्ने गरेका छन्। निर्दोष हुँदाहुँदै पनि कानुनी लडाइँको ज्ञान नहुँदा र राज्यले समेत बेवास्ता गर्दा उनीहरू फस्ने गरेका छन्।