भन्छिन्- सीप सिकेपछि कसैको अघि हात फैलाउन पर्दैन रहेछ
रुपन्देही तिलोत्तमा-३ कि सीता मल्ललाई संघर्षको दिनमा चुरा र पोतेले साथ दियो। अहिले त्यसैले सफलता पनि दिँदैछ।
एक समय थियो, सीता घरायसी काम गर्थिन्। श्रीमान् टिपर चलाउँथे। श्रीमान्कै कमाइले घरखर्च र दुई छोराहरूको शिक्षा दिक्षा धानिएको थियो।
तर ७ वर्षअघि उनले श्रीमान्लाई सधैंका लागि गुमाइन्। उनको सिउँदोको सिन्दुर, हातको चुरा र गलाको पोते खोसियो।
त्यसपछि अहिले सबै जिम्मेवारी सीताको काँधमा छ। छोराहरूलाई उच्च शिक्षा दिन होस् वा घर चलाउन, सीता एक्लै संघर्ष गरिरहेकी छिन्।
