६६ वर्षीय हर्कमान लामा १४ वर्ष टाइगर इकोलोजी प्रोजेक्ट र ३२ वर्ष बढी राष्ट्रिय प्रकृति संरक्षण कोषमा काम गरेर तीन वर्षअघि निवृत्त भएका थिए।
सेवानिवृत्त भए पनि उनी थाकेका छैनन्। आइतबारबाट सुरू भएको बाघ गणनाका लागि उनी एउटा समूहको नेतृत्व गर्दै चितवन राष्ट्रिय निकुञ्जको जंगल पसेका छन्।
सन् १९९४ मा पहिलो पटक भएको बाघ गणनामा पनि उनी वन्यजन्तु प्राविधिकका रूपमा सहभागी भएका थिए।
त्यतिखेर जंगल डुलेर बाघको पाइलाको आधारमा तथ्यांक निकालिन्थ्यो।
