पेरिस जलवायु सम्झौताले औद्योगिक क्रान्ति पूर्वको तुलनामा यो शताब्दीको अन्त्यसम्ममा तापमान वृद्धि १.५ डिग्री सेल्सियसमा सीमित गर्नुपर्ने लक्ष्य दिएको छ।
वैज्ञानिक अध्ययन अनुसन्धानहरुले पनि तापक्रमवृद्धि १.५ डिग्रीसेल्सियसमा सीमित गर्न सकिएन भने गम्भीर जलवायु विपदको सामना गर्नु पर्ने चेतावनी दिँदै आएका छन् ।
यस्तो अवस्थामा तापक्रमवृद्धि नियन्त्रणको सो लक्ष्यका लागि कार्यान्वयन योजनाहरूमा सहमति गर्ने जिम्मेवारीसहितको संयुक्त राष्ट्रसंघीय जलवायु सम्मेलन कोप–२६ हालै स्कटल्याण्डको ग्लास्गोमा सम्पन्न भयो।
पूर्णरुपमा वा सबै विषय या चासोहरुको सम्बोधन गर्न नसके पनि कोप–२६ बाट केही सकारात्मक उपलब्धिहरु भएका छन् । ग्लास्गोबाट प्राप्त सकारात्मक उपलब्धिहरूलाई संक्तिप्त रुपमा यसरी बुझ्न सकिन्छ,
१.१) पेरिस सम्झौता कार्यान्वयनमा ढोका खुल्योः यो सम्मेलनले १० वर्षमा तापक्रम वृद्धि कम गर्नका लागि योजना बनाएको छ। अबको चुनौती त्यो योजना अथवा पेरिस रुलबुक (पेरिस सम्झौतामा भएको सहमतिलाई कार्यान्वयन गर्ने कार्यढाँचा) लाई कार्यान्वयनमा ल्याउनु हो।
-1712827122.jpeg)
