प्रधानमन्त्री एवं पार्टी सभापति शेरबहादुर देउवाको दूत बनेर भारत भ्रमणमा गएको सत्तारूढ दल नेपाली कांग्रेसको टोली गएको सोमबार स्वदेश फर्किएको छ । भारतीय सत्तारूढ दल भारतीय जनता पार्टी (भाजपा)को निमन्त्रणमा पार्टी सहमहामन्त्री डा. प्रकाशशरण महतको नेतृत्वमा तीन सदस्यीय टोली भारत गएको थियो । टोलीको उद्देश्य भाजपा र कांग्रसबीचको पार्टीगत सम्बन्ध सुधार रहेको थियो ।
भारतमा टोलीले विदेशमन्त्री एस जयशंकरलगायत व्यक्तिसँग भेटवार्ता गरेको थियो । सीमा समस्यालाई संवाद र कूटनीतिक रूपमा समाधान गर्नेबारेमा पनि छलफल गरेको बताइएको छ । प्रस्तुत छ, टोली संयोजक डा. प्रकाशशरण महतसँग गरिएकाे कुराकानी ......
