प्रधानमन्त्री शेरबहादुर देउवाले नेतृत्व सम्हालेको दुई महिना पुगिसक्दा पनि अझै मन्त्रिपरिषद्ले पूर्णता पाउन सकेको छैन । देउवानिकट नेताहरुका अनुसार अझै केही दिन सरकार विस्तार हुने सम्भावना छैन ।
तर दलहरुले आन्तरिक गृहकार्य भने जारी राखेका छन् ।
कांग्रेस, माओवादी केन्द्र, जनता समाजवादी केन्द्र र नेकपा (एस) ले आन्तरिक तयारी थालेका छन् ।
शुक्रबार एक कार्यक्रममा भने नेकपा एसका अध्यक्ष माधवकुमार नेपालले अझै केही दिन सरकारमा विस्तारका लागि लाग्ने बताएका थिए ।
पार्टीभित्रको आन्तरिक विवाद र अध्यादेश निष्कृय नभएका कारण सरकार विस्तार हुन नसकेको नेताहरुको धारणा छ ।
