कांग्रेस सभापतिसमेत रहेका प्रधानमन्त्री शेरबहादुर देउवाबारे एउटा भिडियो सार्वजनिक भएको छ।

भिडियो उनको सचिवालयले सार्वजनिक भएको हो। त्यसो त पछिल्लो समय देउवा 'ट्वीटर', 'फेसबुक' र 'इन्स्टाग्राम'मा निकै सक्रिय देखिन थालेका छन्।

यसैबीच देउवाको प्रंशसा गर्दै एक स्थानीय तहका नेताले बोलेको भिडियो सचिवालयले सार्वजनिक गरेको हो। भिडियोमा देखिने व्यक्ति भने देउवाको गृहजिल्ला अर्थात् डडेल्धुराका कांग्रेस नेता तीर्थ शाही हुन्।

‘मलाई शेरबहादुर देउवा मनपर्छ किनभने...’ शीर्षकमा तयार पारिएको भिडियोमा शाहीले भनेका छन्, 'बिपीले भन्नुभएको थियो, शेरबहादुर देउवा बिना श्रीपेचका राजकुमार हुन्।'