पार्टीको कारवाहीमा परेर प्रतिनिधिसभा सदस्यबाट पदमुक्त भएका चार जना पूर्व माओवादी नेताहरुले सर्वोच्च अदालतमा रिट दर्ता गरेका छन्।

नेताहरु टोपबहादुर रायमाझी, लेखराज भट्ट, प्रभु साह र गौरीशंकर चौधरीले आफूहरूले दल त्याग नगरेको र आफूहरुलाई परमादेशबाट सांसद पदमा पुनर्बहाली गर्न माग गर्दै आज (बुधबार) सर्वोच्चमा रिट दर्ता गरेका हुन्।

उनीहरू चारै जना पूर्वमन्त्रीसमेत हुन्। सर्वोच्चले रिटमाथिको सुनुवाइका लागि बिहीबारका लागि पेसी तोकेको छ।