बलिउड अभिनेत्री शिल्पा शेट्टीका श्रीमान राज कुन्द्राले मुम्बई प्रहरीलाई २५ लाख घूस दिएको खुलासा भएको छ।
उनले प्रहरीबाट जोगिन २५ लाख घूस दिएको तंथ्य एकाएक बाहिर आएको हो।
राजसँगै पोर्न भिडियो प्रकरणमा मुछिएका फरार अभियुक्त यश ठाकूरले ई–मेलमार्फत् एसीबी महाराष्ट्र जानकारी दिएका छन्। मुम्बई प्रहरीले उनलाई पनि २५ लाख रुपैँया मागेको थियो। तर, ठाकूरले दिएनन्।
एसीबीले प्राप्त ई–मेल सूचनालाई छानवीनका लागि उपल्लो निकायलाई पठाइसकेको छ।
पोर्न भिडियो प्रकरणबारे नयाँ–नयाँ खुलासा भइरहेको मुम्बई प्रहरीले जनाएको छ।
पोर्न भिडियो बनाउने गरेको आरोप लागेका राजसहित ११ अभियुक्तलाई मुम्बई अपराध शाखाले सोमबार पक्राउ गरिसकेको छ।
