दिनेश गौतम
राजेन्द्र मल्लिकको मान्छे को हुनुहुन्छ ?’
सोमबार दिउँसो शुक्रराज ट्रपिकल तथा सरुवा रोग अस्पताल टेकुमा शव उठाउन आएका नेपाली सेनाका जवानले पटकपटक सोधे । तर, मल्लिक मेरो मान्छे हो भन्ने कोही पनि भेटिएनन् ।
मल्लिक...? ओहो ! यी तिनै दाइ होइनन्, जो ३० वैशाख (बिहीबार) राति मृत्यु भएको । ‘हो तिनै मल्लिक दाइ हुन् । भारत उडिसा राज्यका रहेछन् । बल्ल पत्ता लाग्यो’, अस्पतालको प्राङ्गणमा रहेका सूचना अधिकारी नवराज गौतमले भने ।
मल्लिक दाइको मृत्यु भएको रात हामी पनि टेकुमै थियौँ । उनको नाम पहिचान भएको थियो तर ठेगाना पत्ता लागेको थिएन । बेड नभएपछि खाली कोठाको भुइँमै राखेर डा. अनुप बाँस्तोलाको टिमले उनको उपचार गरेको थियो ।