बैतडीको पञ्चेश्वरमा बोलेरो जीप दुर्घटना हुँदा ५ जनाको घटनास्थलमै मृत्यु भएको। पञ्चेश्वर गाउँपालिका ६ रोडिदेवलको गणमेश्वर मन्दिर नजिकै जीप दुर्घटना भएको हो।

आज चट्याङ लागेर मृत्यु भएका पञ्चेश्वर गाउँपालिका वडा नं ६ का वडा सदस्य गोविन्दसिंह भण्डारीको शव पोष्टमार्टमका लागि ल्याउँदै गरेको से १ ज १२३ नम्बरको जीप दुर्घटनामा परेको हो।

जीप दुर्घटना हुँदा पञ्चेश्वर गाउँपालिका वडा नं ६ का ५० बर्षीय जीतसिंह भण्डारी, डम्मरसिंह भण्डारी, हिम्मत भण्डारी, दीपक भण्डारी र चालक तेजबहादुर बोहराको मृत्यु भएको जिल्ला प्रहरी कार्यालयका प्रवक्ता प्रहरी निरीक्षक दर्शन खड्काले बताए।

४ जनाको घटनास्थलमै मृत्यु भएको हो भने चालकको अस्पताल लैजादैँ गर्दा मृत्यु भएको हो। घाइतेमध्ये २ जनाको अवस्था गम्भीर रहेको पञ्चेस्वर गाउँपालिका अध्यक्ष गोरखबहादुर चन्दले बताए।

दुर्घटनामा परी घाइते भएका ५ जनालाई उपचारका लागि जिल्ला अस्पताल पठाइएको खड्काले बताए।

जीप सडकबाट करिब ५सय मिटर तल खसेको बताइएको छ। साँघुरो घुम्तीमा जीप दुर्घटना भएको प्रहरीले जनाएको छ।