काठमाडौँ । सिके राउत नेतृत्वको जनमत पार्टीले हालै जनकपुरमा सम्पन्न गरेको महाधिवेशनबाट नेपालका विभिन्न राजनीतिक पार्टीहरूलाई हेर्ने दृष्टिकोण तय गरेको छ । जनकपुरमा सम्पन्न पहिलो महाधिवेशनबाट पारित पार्टीको राजनीतिक दस्तावेजमा नेपाली काँग्रेसलाई सामन्तीहरुको प्रतिनिधि दल बताइएको छ भने नेकपा एमालेलाई उग्र एकल जातिवादी पार्टीका रुपमा विश्लेषण गरिएको छ ।
१७ हजारको बलिदानीबाट बनेको माओवादी पार्टी यथास्थितिवादीहरुसँग मिल्न गएको जनमत पार्टीको विश्लेषण छ । साथै, सिके राउतको पार्टीले राष्ट्रिय जनता पार्टी (राजपा) लाई अवसरवादी एवं पुरानो थोत्रे गाडीको संज्ञा दिएको छ ।
नेपाली काँग्रेसले सामन्तवादको पक्षपोषण गर्दै लाखौं आदिवासीहरूलाई दास, कमैया, कमलरी, हलिया र भूमिहीन बनाएको आरोप लगाएको छ ।
