विराटनगरमा कोरोना संक्रमितको मृत्यु भएको छ ।
मृत्यु हुनेमा झापाको दमक ८ का ९२ बर्षीय वृद्ध रहेका छन्। उनको आइतबार राती कोशी अस्पतालमा मृत्यु भएको हो।
उक्त कोभिड अस्पतालमा तीन महिनापछि कोरोना संक्रमितको मृत्यु भएको जनाइएको छ। चैत २५ गते परिवारका ५ जनालाई संक्रमण भएपछि उनलाई अस्पतालमा भर्ना गरिएको थियो।
मधुमेहबाट पीडित उनको रातको १२ बजे मृत्यु भएको कोभिड अस्पतालका एपोलो भगतले जानकारी दिए।
उनको मृत्युपछि परिवारका अन्य ४ जना घर फर्कीएको उनले बताए। संक्रमणमुक्त नभई मृतकको शव लिएर उनीहरू घर गएका हुन्।