नियति

• • •

फूलहरू
प्रत्येक दिन मन्दिरमा बलि चढ्छन्
र पनि त खुशी छ -
मान्छेको नजरमा

तर कहिल्यै सोधिएन फूलहरुलाई
न त कहिल्यै बुझ्न खोजियो -
फूलहरूको
चाहना, इच्छा, आकांक्ष

बरु भनियो पटकपटक कि
फूलहरू सुन्दर हुन्छन्
फूलहरू कोमल हुन्छन्
फूलहरू सुगन्धित हुन्छन्

तर फूलहरूले कहिल्यै पाएनन् स्वस्तन्त्रता
न त साँच्न पायो जिजीविषा
न त बाँच्न पायो आफू अनुकूल

फूलहरुको नियति भनौं -
मान्छेले भगवान् बनाइदिएको छ
भगवान्‌का निम्ति फूलहरूलाई फुलिदिनु परेको छ ।

• • •

प्रतिक्रिया

टिप्पणीहरू छैनन्। तपाईं पहिलो बन्नुहोस्!

२ .

बिएल संवाददाता

नियति