1615038262.jpg)
काठमाडौंमा ठिकठाक 'चियावाला' चलाइरहेका फिल्म निर्देशक गणेशदेव पाण्डे जब जन्मथलो बुटवल पुगे, धेरैले हतोत्साहित गर्दै भनेछन्, 'हेर! कस्तो सुनसान ठाउँमा चिया पसल खोल्न लागेका होला? काठमाडौंमा कमाएको पैसा पनि डुबाउने भयो।'
उनी बुटवलको निमचोकमा तीन महिनाअघि चिया पसल खोल्ने हठ बोकेर गएका थिए। काठमाडौंमै नयाँ 'आउटलेट' खोल्ने सोचका साथ विभिन्न ठाउँ चहारे पनि संजोग बुटवलमा जुरेको थियो।
त्यहाँको सुनसान बस्तीमा चिया पसल खोल्ने भन्दा उनको परिवारले नै भने, 'बरू बुटवलकै मुख्य चोकमा खोलेको भए हुने। यता त चल्न नि गाह्रो होला!'
