प्रधानमन्त्री कप राष्ट्रिय एकदिवसिय क्रिकेट प्रतियोगितामा लुम्बिनीले प्रदेश २ लाई २ सय ५८ रनको चुनौतीपूर्ण लक्ष्य दिएको छ।
टियु क्रिकेट मैदानमा टस जितेर पहिला ब्याटिङ रोजेको लुम्बिनीले ५० ओभरमा ९ विकेट गुमाउँदै २ सय ५७ रन बनायो।
लुम्बिनीका सन्दीप रजालीले १ सय ७ बलमा ११ चौकासहित सर्वाधिक ८३ रनको योगदान दिए।
यता सौरभ खनालले ६४ बलमा ५ चौका र ३ छक्कासहित ५६ रनमा आउट भए। बिक्रम भुषाल ३८ बलमा ३ छक्कासहित ३६ रनमा रन आउट भए।
सन्दीप सुनारलाई ११ रनमा एलबिडब्लू आउट भए। सन्दीपले ११ बलमा २ चौका प्रहार गरे। अमित तामाङ ११, कृष्ण कार्की १०, प्रनित थापा मगर ८, अनिल खरेल ६, सुशान्त सिंह ६ रनमा एलबिडब्लू आउट भए।
हरि शंकर शाहले १० ओभरमा ४८ रन खर्चेर ३ विकेट लिए। दिब्यान्सु मलिकले १० ओभरमा १ मेडन सहित ४५ रन खर्चेर २ विकेट लिए।
सैफुल्लाह अन्सारी, कुमार थापा र विशाल शुश्लिङले १–१ विकेट लिए।
.jpg)
