कुवेर गिरी
अंशिका शर्मा अहिले चर्चामा छिन् । ‘मिस युनिभर्स नेपाल २०२०’ की शीर्ष उपाधि विजेता बनेपछि उनी चर्चाको केन्द्र बनेकी हुन् । पछिल्लो समय अस्ट्रेलिया बस्दै आएकी २४ वर्षीय शर्माले उपाधिसँगै ‘मिस युनिभर्स २०२१’ को मञ्चमा नेपालको प्रतिनिधित्व गर्ने मौकासमेत हासिल गरेकी छन् ।
अन्तर्राष्ट्रिय प्रतियोगिता ‘मिस युनिभर्स’ को मञ्चमा नेपाललाई उत्कृष्ट रूपमा कसरी चिनाउने र शीर्ष उपाधि कसरी कब्जा गर्ने भन्ने विषयमा अहिले उनले आफ्नो ध्यान केन्द्रित गरिरहेकी छन् । त्यसका लागि प्रशिक्षणका साथै विभिन्न तयारीमा उनको अहिले समय बित्ने गरेको छ ।
हुन त नेपालमा आयोजना हुने सौन्दर्य प्रतियोगितामा ‘मिस नेपाल वर्ल्ड’ श्रेष्ठ मानिन्छ । तर पनि उनको रोजाइमा किन ‘मिस युनिभर्स नेपाल’ प-यो ? ‘मिस युनिभर्स नेपाल’ र अन्तर्राष्ट्रिय ‘मिस युनिभर्स’का लागि उनले गरिरहेको तयारी लगायतका विषय उनीसँग गरिएको कुराकानी उनकै शब्दमा ।
दस वर्षदेखिको सपना
ब्रेभ, बोल्ड एन्ड ब्युटिफुल प्रालिद्वाराले पहिलो पटक ‘मिस युनिभर्स नेपाल’ आयोजना गरेको हो । पहिलो कार्यक्रममा नै आफूले शीर्ष उपाधि जित्दा एकदमै खुसी छु । १० वर्षदेखि मैले देखेको सपना अहिले पूरा भएको छ । मिहिनेत त धेरै गरेको थिएँ । मिहिनेतअनुसारको फल पनि मिल्यो ।
