अत्याधिक हुस्सूको कारण ट्याक्टर दुर्घटना हुँदा धनुषामा एक जनाको ज्यान गएको छ।

जिल्लाको विदेह नगरपालिका ५ मुडिबा बस्ने ३५ वर्षीय दिलीप पासवानको दुर्घटनामा परी ज्यान गएको जिल्ला प्रहरी कार्यालय धनुषाले जानाएको छ। 

शहिदनगर नगरपालिकाको हठीपुरबाट ट्याक्टर चलाएर आफ्नो घर फर्किँदै गर्दा १ त ६९६३ नम्बरको ट्याक्टर पल्टिदा उनको मृत्यु भएको हो । 

अत्याधिक हुस्सुका कारण टयाक्टर अनियन्त्रित भएर दुर्घटना भएको बताइएको छ । मृतक पासवानको शव प्रोष्टमार्टमकालागि प्रादेशिक अस्पताल जनकपुर लगीएको प्रहरीले जनाएको छ।