रानीपोखरीस्थित बालगोपालेश्वर मन्दिर तिहारमा खुल्ने भएको छ।
भूकम्पले क्षतिग्रस्त रानीपोखरी पुनर्निर्माणको काम सम्पन्न भएसँगै भाइटिका दिन खुल्ने निश्चित भएको हो।
मंगलबार राष्ट्रिय पुनर्निर्माण प्राधिकरणका प्रमुख कार्यकारी अधिकृत सुशील ज्ञवालीले काठमाडौं महानगरपालिकाका मेयर विद्यासुन्दर शाक्यसँगको छलफल पछि खुलाउने सहमति गरेका हुन्।
विनाशकारी भूकम्पले क्षति पुर्याएको रानीपोखरी निर्माणका लागि काठमाडौं महानगरले जिम्मा पाएपनि पोखरीभित्रको मन्दिरलाई कुन शैलीमा बनाउने भन्ने विषयमा विवाद भएपछि लामो समय काम रोकिएको थियो।
अहिले परम्परागत शैली, प्रविधि र निर्माण सामग्री प्रयोग गरेर प्रताप मल्लकालीन शैलीमा रानीपोखरीको निर्माण गरिएको छ।
पर्खालको जगमा चुना सुर्की लगाएर परम्परागत शैलीलाई कामय राखिएको छ। विसं १९९० मा आएको भूकम्पपछि क्षति पुगेको रानीपोखरी जुद्ध शमशेरले गुम्बज शैलीमा निर्माण गरेका थिए।
