.jpg)
नेपालमा पछिल्लो २४ घण्टामा थप २ हजार भन्दा बढीमा कोरोना भाइरसको संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार शनिबार २ हजार १ सय २० जनामा काेराेना संक्रमण पुष्टि भएकाे हाे।
यससँगै नेपालमा कोरोना संक्रमितको कुल संख्या ८४ हजार ५ सय ७० पुगेको छ।
यस्तै आज २ हजार ४४ जना कोरोना संक्रमित डिस्चार्ज भएका छन्। हालसम्म डिस्चार्ज हुनेको संख्या ६२ हजार ७ सय ४० पुगेको छ।
पछिल्लो २४ घण्टामा १२ हजार ९ सय ७८ जनाको पीसीआर परीक्षण गरिएको स्वास्थ्य मन्त्रालयले जनाएकाे छ। हाल देशभर २१ हजार ३ सय २ जना संक्रिय संक्रमित रहेका छन् भने ४ हजार २ सय ७३ जना क्वारेन्टिनमा छन्।
काठमाडाैंमा थपिए ११ सय संक्रमित
पछिल्लो २४ घण्टामा काठमाडौं उपत्यकामा थप १ हजार १ सय ७७ जना कोरोना संक्रमित थपिएका छन्।
मन्त्रालयका अनुसार काठमाडौंमा १ हजार १, भक्तपुरमा ६७ र ललितपुरमा १०९ जनामा कोरोना पुष्टि भएको छ।
थप ८ जनाको मृत्यु
कोरोना भाइरसको संक्रमणबाट आज थप ८ जनाको मृत्यु भएको छ। मन्त्रालयका अनुसार मृत्यु हुनेमा २ महिला र ६ पुरुष छन्।
सुनसरीकी २८ वर्षीया महिला, ललितपुरका ६७ वर्षीय पुरुष, काठमाडौँका ८३ र ६८ वर्षीय पुरुष, सिन्धुपाल्चोकका ४१ वर्षीय पुरुष, दोलखाका ६५ वर्षीय पुरुष, चितवनकी ७६ वर्षीया महिला र कैलालीका ७९ वर्षीय पुरुषको कोरोनाबाट मृत्यु भएको स्वास्थ्य मन्त्रालयले जनाएको छ।
यससँगै नेपालमा कोरोनाबाट ज्यान गुमाउनेको संख्या ५ सय २८ पुगेको छ।
