नेपाली बजारमा बुधबार बहुमूल्य पहेँलो धातु सुनको भाउमा १ हजार २ सय रुपैयाँले घटेको छ।
नेपाल सुनचाँदी व्यवसायी महासंघका अनुसार आज बुधबार छापावाल सुनको भाउ तोलाको ९४ हजार ३ सय रुपैयाँ कायम भएको छ।
सुनको भाउ मंगलबार १ हजार ७ सय रुपैयाँले ओरालो लाग्दा ९५ हजार ५ सयमा किनबेच भएको थियो। छापावाल सुन सोमबार ९७ हजार २ सय र आइतबार ९७ हजार रुपैयाँमा कारोबार भएको थियो।
आज बुधबार तेजावी सुनको भाउ ९३ हजार ८ सय रुपैयाँ कायम भएको छ।
तेजाबी सुन मंगलबार ९५ हजार, सोमबार ९६ हजार ७ सय र आइतबार ९६ हजार ५ सय रुपैयाँमा किनबेच भएको थियो।
चाँदीको भाउ बुधबार ४० रुपैयाँले घटेको छ। महासंघका अनुसार बुधबार चाँदीको भाउ तोलाको १ हजार १ सय ९० रुपैयाँ कायम भएको छ।
मंगलबार चाँदीको भाउ ९० रुपैयाँले घटेर १ हजार २ सय ३० रुपैयाँमा किनबेच भएको थियो।
चाँदी आइतबार र सोमबार क्रमशः १ हजार ३ सय १५ र १ हजार ३ सय २० रुपैयाँमा किनबेच भएको थियो।
.jpg)
