नेपाली कांग्रेसका वरिष्ठ नेता रामचन्द्र पौडेलले जापानका नवनियुक्त प्रधानमन्त्री योशिहिदे सुगालाई बधाई दिएका छन्।
बुधबार भएको मतदानमा सुगाले जित हासिल गर्दै प्रधानमन्त्रीको पद सुरक्षित गरेका हुन्।
सुगाले ४ सय ६५ सदस्य रहेको तल्लो सदन (हाउस अफ रिप्रेजेन्टेटिभ्स) मा ३ सय १४ मत प्राप्त गरे भने २ सय ४५ सदस्य रहेको माथिल्लो सदन (हाउस अफ काउन्सिलर) मा १ सय ४२ मत प्राप्त गरेका थिए।
नेता पौडेलले सुगाको नेतृत्वमा अहिलेको विषम परिस्थिति पार गर्दै राम्रो प्रगती हासिल गर्न र विश्व शान्ति तथा भाइचारा कायम गर्न सफल हुने विश्वाससमेत गरेका छन्।
शुभकामना सन्देश दिँदै पौडेलले निकालेको विज्ञप्तिमा सुगाको नेतृत्वमा नेपाल-जापान सम्बन्ध अझ सवल हुँदै जाने विश्वाससमेत गरिएको छ।