अमेरिका लैजानै भन्दै फिलिपिन्समा पुर्‍याएर बेपत्ता पार्ने २ जनालाई प्रहरीले पक्राउ गरेको छ। 

अमेरिकाको सपना देखाएर ४१ लाख ६० हजार रकम उठाएर अलपत्र पार्ने उपमहानगरपालिका ७ का रवि भन्ने रिकेश महर्जन र काभ्रेपलान्चोक नमोबुद्ध नगरपालिका ९ की कमला लामालाई प्रहरीको मानवबेचबिखन ब्यूरोले पक्राउ गरेको हो। 

ब्यूरोका अनुसार लामा र मर्हजन लगाएको समूहले पिडितलाई २०७६ साल श्रावण महिनामा अमेरिका लैजाने भन्दै काठमाडाैंबाट मलेसिया हुँदै फिलिपिन्सको मनिलासम्म पुर्‍याएर अलपत्र पारेका थिए। 

उनीहरुले त्यहाँबाट अमेरिका पठाउन नसकेपछि मानसिक तथा शारिरीक यातना दिन थालेपछि पिडित त्यहाबाट भागेर नेपाल आयपुगेका थिए। 

उनी नेपाल आएर प्रहरीमा उजुरी दिएपछि गिरोहको खोजी थालिएकाे थियाे।