काठमाडौं महानगरपालिका-१४ बल्खुमा निषेधाज्ञाको समयमा तास खेलिरहेका ६ जनालाई प्रहरीले नियन्त्रणमा लिएको छ।

भुवनेश्वरी मन्दिर नजिकै टहरामा तास खेलिरहेको अवस्थामा धादिङ निलकण्ठ नगरपालिका ११ घर भई हाल सोही बल्खु बस्ने ३१ वर्षीय कुमार गुरुङ लगायत ६ जनालाई आइतबार दिउँसो प्रहरीले पक्राउ गरेको हो।

उक्त टहरामा तास खेलिरहेको भन्ने सूचनाको आधारमा महानगरीय प्रहरी वृत्त कालिमाटीबाट खटिएको प्रहरीले उनीहरुलाई नगद ९४ हजार ४ सय ७० रुपैयाँ र ३ बुक तास सहित पक्राउ गरेको केन्द्रीय प्रहरी समाचार कक्षले जनाएको छ।

यस सम्बन्धमा प्रहरीले थप अनुसन्धान गरिरहेको छ।