रौतहटको गढीमाई नगरपालिकास्थित वाग्मती नदीमा बेपत्ता भएको बालिकाहरुको खोजी कार्य गर्दै स्थानीय । तस्बिर सौजन्य: दिनेश संगम ।

---

रौतहटको गढीमाई नगरपालिकास्थित वाग्मती नदीले बगाएर आइतबार बेपत्ता भएका ३ बालिकामाध्ये एक जना मृत फेला परेकी छन् ।

इलाका प्रहरी कार्यालय समनपुरका अनुसार खोजी कार्य गर्ने क्रममा घटनास्थलबाट करीब ३० मिटर दक्षिण १० वर्षीया पिंकुकुमारी मुखियाको शव फेला परेको हो। दुई जना अझै बेपत्ता छन् । उनीहरुको खोजी भइरहेको छ ।

गढीमाई-७ धर्मपुरका १० वर्षीया पिंकुकुमारी मुखियासहित १२ वर्षीया सुसिताकुमारी दास र १० वर्षीया चन्चलकुमारी मुखिया बेपत्ता भएका थिए।

बालिकाहरुको खोजीका लागि स्थानीय बासिन्दा, नेपाल प्रहरी र सशस्त्र प्रहरी खटिएका छन् ।

नदीमा पानीको बहाब धेरै भएकाले उनीहरुलाई बगाएको हुन सक्‍ने शंका प्रहरीले गरेको छ।