रौतहटमा एक पुजारीलाई अज्ञात व्यक्तिले गोली हानी हत्या गरेका छन्।

रौतहटको माधवनारायण नगरपालिका वडा नम्बर २ खेसरहियास्थित हनुमान मन्दिरका पूजारी श्रीराम साहलाई गोली हानी हत्या गरिएको ईलाका प्रहरी कार्यालय गरूडाका प्रमुख प्रहरी नायब उपरीक्षक ज्ञान कुमार महतोले जानकारी दिए।

खाना खाइरहेको अवस्थामा उनको राति करीब ९ः१५ बजे गोली हानि हत्या गरिएको हो। उनको कन्चटमा गोली लागेक‍ो प्रहरीले जनाएको छ।

घटना भएलगत्तै प्रहरीको टोली उक्त ठाउँमा पुगेको र पुजारीलाई गोली हान्नेको खोजी तीव्र रूपमा भइरहेको महतोले बताए। कोरोना संक्रमित भेटिएपछि हिजो मात्रै माधवनारायण नगरपालिका शील गरिएको थियो।