अहिलेसम्मको आँकडा हेर्दा प्रति एकसय जना कोरोना संक्रमितमध्ये ३ जनाको मृत्यु भएको पाइएको छ । फ्लू, इफुलुएन्जा भाइरस संक्रमणको तुलनामा कोरोनाभाइरस संक्रमण हुँदाको मृत्युदर बढी छ । सार्स र इबोलाजस्तो खतरनाक नभए पनि कोरोनाभाइरसप्रति वर्तमान समयमा हामीले सावधानी अपनाउनै पर्छ ।
सार्स लागेकामध्ये १० प्रतिशतको मृत्यु हुन्थ्यो भने इबोला रोग लागेकामध्ये झण्डै ७० प्रतिशतको मृत्यु हुन्थ्यो । तर नियमित देखिने फ्लू भाइरसजस्तो कोरोना भाइरस होइन । वृद्धवृद्धा, दीर्घरोगी जस्तैः सुगर, मुटु रोग, निमोनिया, क्यान्सरजस्ता समस्या देखिएका व्यक्तिमा कोरोना संक्रमण भए प्रति एकसय जनामध्ये १५ जनासम्मको मृत्यु भएको आँकडाले देखाएको छ ।
धुम्रपान नगर्ने, रोग प्रतिरोधात्मक क्षमता भएको व्यक्तिका लागि यो संक्रमण सामान्य लाग्न सक्ला । तर दीर्घरोगी, वृद्धवृद्धाका लागि कोरोनाभाइरस सामान्य होइन । पछिल्लो समय निरोगी तथा प्रतिरोधात्मक क्षमता भएका भनिएमा व्यक्तिको समेत कोरोना संक्रमणका कारण ज्यान गएको छ । कोरोनाभाइरस संक्रमितका लागि अहिलेसम्म उपचार पत्ता लागेको छैन । मुख्य कुरा, समुदायमा दीर्घरोगी, वृद्धवृद्धामा तीव्ररुपमा कोरोना फैलिएमा अक्सिजन तथा उपचार, अन्य स्वास्थ्य सेवा पु¥याउन सक्ने अवस्था रहँदैन । त्यसैले पनि कोरोनाभाइरसलाई एकदमै खतरा भनिएको हो जस्तो लाग्छ ।
